我的旅遊誌

這一天我應該一生也不會忘記吧, 沒想到3月華仔天地辦的生日會上, 我單獨對劉德華說的一句話會「夢想成真」

這天之前飛了兩班要過夜機,本來身體很累想休息, 想請假, 但見只是台北即日來回, 便堅持番工. 一個堅持就令一個簡單的夢想會實現...我在飛機終於遇上劉德華.

在406香港往台北的航班上, 劉生坐在商務客位12K. 若不是那天經濟客艙不夠台灣報紙, 我也不會因上商務艙攞而這麼早得悉劉生在飛機上. 其實之前連續3班機也在商務客艙工作斧一直沒有遇上任何明星, 偏偏轉回經濟艙就遇上劉生在航機上. ^^

還記得那天去商務艙本只是為客攞報紙只一心工作, 沒有四周將望有任何明星, 只是攞完報紙正要回經濟艙, 回頭一剎就見到劉生. 即時心跳加速, 想尖叫卻發不出半聲聲響. 一剎那呆住了... 定過神多望了兩眼便回經濟艙, 因為那時剛是乘客登機, 還有很多事要做. 其後有一位客人要明報, 我再一次上商務艙, 很雀躍,很興奮地過去. 上去問過同事,  報紙剛收好了, 放在劉生對面的行李櫃內. 我打開行李櫃, 回望劉生方向, 見沒有其他同事在身邊, 忍不住身指自己對劉生說:「fans 呀」劉生則哈哈笑. 之後我走近他說「我曾經在歌迷生日會上話想係飛機上見你呀」, 劉華笑笑說了句「係呀」. 就係咁,講左一句我又匆匆番去經濟客艙.

等到派完餐, 有同事話想去商務艙搵劉生影相, 我只係問「得ga咩?」, 佢地話老總畀wow. (之前有聽過同事話劉生好樂意同我地影相, 係其他航班也試過)

我即刻拎手提同這兩年在歌迷會影的合照趕上去. 其後同事搵了劉生, 他即刻去了廚房找我們, 入來時站得我最近, 所以第一個影合照的人便順理成章是... 我 ^^

後來屋企人見過幾張合照, 跟我影的時候他笑得最燦爛. 我哥問是否因為劉生知我是fans呀? 唔知呢,可能影第一張自然啲瓜 ^0^

影完相, 我拎左合照畀佢簽, 我手上只得公司的cheap cheap原子筆. 劉生簽了一半, 無色出, 簽不了. 他問有冇marker? 我話冇想過在飛機上見到他嗎... 簽在背後也可以啦 ^^

就係咁... 去到台北, 興奮過後, 回心一想... 在飛機上見劉華的願望也達成, 在這間公司我再不留戀了, 我儘快在這年底離開CX吧

 

2007年9月6日, Thomas買左部ndsl界我. 等左咁耐, 我都終於有自己部機...HAHA! 有排打啦... 個日開始就係度打Hello Kitty日本遊既game, d mini games真係麻麻地, 但勝在d圖夠靚, 我呢個非HK迷都玩得機不離手, 要儲足GAME內200幅圖為目標. ^.^ 

本來呢個大假有打算去日本搵Cathy, 但好在冇出發, 日本打風, 台灣地震>_< ... 呢次個trip就留番黎打機, Hello Kitty遊日本, 當自己去左law, 有得睇影... 雖然係假既(仲要係好假)... 但夠靚 ^^ 滿足自己去旅行... Cathy... 我都係冇緣去日本搵你lu, 等你番la...

HAHA! 今次儲7 -11既叮噹印仔應該係我咁大個人第一次咁快手儲完既項目. 之前出過咁多款(如OK既加菲貓萬年曆, SMILEY既電話繩裝飾), 我起初唔儲, 但到人人有, 見得多又想儲既時間, 次次都係'水尾' ... ... 又好似近排既'廚房玩具'系列, 成兩年幾前出既野, 而家至想買 >.< 我真係慢好多好多拍, 攪到要'高價'收購心頭好

點解我慢咁多拍既? 唔通真係'受人影響'? HAHA!

 今次儲印仔由開始只得4隻, 到只差8隻,6隻,4隻,2隻咁倒數, 成件事只係用左...10日(8月29日到今日) 幾好運WOW, 我好少咁好運氣呢!

 

 

 

 

HA! 今日終於去拎左合照,放在家. 我媽見到第一反應係「你張合照攬住影, 因住你個個呷醋呀!」 吓?! 我一早話左'佢'聽ga wow, 佢當時反應係「你成日都係咁ga la」... 成日?! 一年一次, 今年都係第二次jei... 又使唔使反應咁冷淡. HA! 一個反應強烈,  一個反應冷淡, 佢地既反應係心目中好似倒轉左咁... HAHA! 不過是但la, 合照一張jei. 我記得早幾日發生楊小姐事件, 我朋友即時forward了給我, 又問我會唔會係咁'狂'...? 我都有細細個發夢見劉華, 但冇覺得佢係屋企人, 我亦唔會特意追星見佢wow, 歌迷會安排到咪見law, 我都13歲等到21歲至參加fans club, 如果我係狂迷都唔使等咁多至'行動'la, 大家放心! ^0^

haha... 係度介紹一下我表哥第二個仔... 好可愛,好重磅 ^.^ 不如將來介紹俾Florence認識... 對襯家. 但呢個小朋友好鍾意流口水,好為食呢 ^.^ 唔知將來會唔會係一個食家!!!

睇清楚標題, 係第三次, 唔係第三類接觸, 因為我今日見既唔係外星人, 係唔多機會接觸既--- 劉華 ^.^

第三次見佢,一次比一次更近距離... 第一次係2003年6月8日(睇番d相至知) 既一個公開唱片簽名會, 第一次將CD俾佢簽名... 第一次眼神接觸... 見完暈暈地 (因為個日都幾熱又多人 ^^)

第二次係上年(好似係同一日或後一日,即係唔係25就26號), fans club為fans攪生日會, 更近距離見他, 影合照. 入左fans club7年最想就是這樣, 但咁多年未有機會, 唔通要等到10年攞'老人精', 逐一上台握手影相至有機會? 好彩唔使等到個日 ^^' 個次見佢係真係有心跳, 緊張感覺. 緊張到影完相都唔知咩事, 真你好似發夢 ^.^

到今年第三次見劉華, 緊張依然, 但總算見他是講左一句說話, 我話希望有日會係飛機上可以serve佢, 佢既反應先是呆了兩秒, 才'哦'了一聲. 唔知係咪因為我講得太細聲, 其實佢唔係太知我講左d咩, 但禮貌上回應我一聲 ^^" 到影合照, 我主動攪住佢, 佢真係人肉報景板... 任何fans有咩要求, 佢都會做 ^^" 但我可能太開心la, 影相時開心到又合上了眼, 那變相我多了一次機會攪住佢影多一張. ^.^ HA!  一日內攪住劉華兩次WOW, 心情當然好高興, 完左FUNCTION即刻打俾細JEN, 點知佢瞓緊覺, 睇黎佢近排工作太辛苦了. 咁之後打俾另一個朋友(上年第一次見完劉華都係打俾呢個朋友), 講左我' 開心'經歷, 點知個朋友笑笑口話我 '癡漢' ... 吓?! 唔係咁嚴重a? 算啦... 由13歲鍾意劉華, 由唔敢入fans club到今日咁多年... 見到佢真係好開心! ^^ 任何人點講都唔重要lu! 唔知遲d張相print out出黎會有人羨慕定有人會呷醋呢? ^^"

台北之旅兩個字總結...「很累」. >.<  累得連字也不想多打.  因為我太高估自己的能力, 日日周圍行, 自由行--- 真係日日行, 由朝行到晚.  最厲害唔係我, 係我爸媽, 真係一把年紀仲堅持日日陪我行 (事實係我帶佢地行, 因為台灣我早已去過了). 行程一點不輕鬆, 但我媽認為難得去旅行, 點都要仲行得走得, 去盡佢! >.< 但真係好辛苦, 我今日宣佈以後都自由行, 去玩都係跟團舒服好多, 唔使自己安排, 等交通工具 ... 又或者咁講, 同上年紀的親人去旅行, 一定要跟團. 冇旅遊車接送, 去邊玩都好唔方便 >.< 我就帶個背囊出外, 佢地就大包細包... ^^" 不過點都好, 有地同爸媽旅行, 其實多辛苦, 可以去多幾次, 就幾次, 機會只會越來越少... 係要珍惜. 所以而家有d期待出年旅行, 我媽話想睇櫻花, 去日本個種... e... 呢樣我都想睇wow.  ^0^ (雖然今次係台灣都睇到... 但真係'冰山一角'... 只得番幾棵樹仲有花, 因為3月8日, 天降大雨, 好多花都...榭了 >.<)

2007年的1月, 多謝各位朋友的祝賀! sms, msn, 電話call, 食飯, 飲下午茶. 過了27歲的生日, 發現自己心態上比小朋友更小朋友, 希望有人重視, 愛熱鬧. 所以多謝各好友對的的重視, 關懷, 無忘記到我! ^^" (之前係msn的別號, 還是一個小朋友, 貪玩, 即時惹來朋友不滿, 都2x歲, 仲係小朋友...haha ... 我認, 我仲係一個細路) ^.^

今年最感謝大哥,大嫂, 佢地親手造的朱古力蛋糕同熊bear bear. 由細到大也沒想過會收到親手做的公仔, 多謝大嫂, 很精緻的小熊!

下個月就新年, 預祝各位新年快樂, 心想事成! ^^

由上年12月中, 咳下, 發燒下, 鼻又發炎下... 足足病左3個多星期 >.< 2007年希望真如Cathy send我的sms, '衰野全部走晒!'... 我想快d番工a... 嗚

 

今日有番d精神, 所以post番31號除夕同我為大家绣的十字福袋, 希望大家新一年事事順利, 平安. 因為是對大家新一年祝福, 同統一既關係, 大家一切既'要求'  (绣字) 我都冇應承, 只希望新一年核臨前趕起給大家, 請見諒! 這些福袋的圖稿是我12月頭去Bangkok時見到, 覺得很合適大家, 動物們很可愛, 希望你們見到也會笑口常開 ^.^ 再一次為匆忙趕起請大家見諒!

 

另外, 還有兩份新作, 一份是我送給大哥, 大嫂 一周年結婚禮物. 另一份則是送給表哥新生嬰兒的口水肩!

 

有說大家認為我賢淑, 我只是貪玩, 利用出outport悶的時間!

 

開始改變了這版原意, 旅遊相...欠奉! haha!